انا راجع مصر قريب للشعب الغالى الطيب على شط النيل هاتمشى واتفسح واركب مركب
انا راجع ليها باذن الله لهواها اللى بيوهبنى حياة لقمرها اللى بيسحرنى ضياه وحبيبى اللى بتمنى لقاه
انا ارجع تانى لاحضانها من بعد ما غبت كتير عنها فى القلب حكاية هاكملها مصر بدايتها ونهايتها
انا راجع ليها ماليش غيرها ولا اقدر انكر يوم خيرها وان كنت ساعات بزعل منها مايهونش عليا ازعلها
انا راجع ليها وهاحكيها عن مر الغربة وطول ليلها وازاى انا كنت بحنيلها وبكل الخير كنت ادعيلها
انا راجع تانى لحضن امى للحب اللى بيجرى فى دمى وهازور بيت خالى وبيت عمى وارتاح وانا بنهم من همى
انا راجع تانى لحتتنا للناس الفاكرين عشرتنا ونويت لما اوصل لحارتنا احضن وابوس حيطان بيتنا
انا راجع مصر قريب للشعب الغالى الطيب على شط النيل هاتمشى واتفسح واركب مركب
اهداء الى سيف
موضوع: انا راجع مصر قريب 
الأحد أبريل 05, 2009 2:17 pm
